[Lyric] அழைப்பாயா?

Y Not Entertainment

காதலில் சொதப்புவதெப்படி

அழைப்பாயா? அழைப்பாயா?

இசை : தமன்

இயக்கம் : பாலாஜி

குரல்கள் : கார்த்திக் & ஹரிணி 

_______________________________________________

விழுந்தேனா? தொலைந்தேனா?

நிறையாமல் வழிந்தேனா?

இல்லாத பூக்களை கிள்ளாமல் கொய்கிறேன்,

சொல்லாமல் உன்னிடம் தந்துவிட்டுப் போகிறேன்.

காலில்லா ஆமை போலவே

காலம் ஓடுதே!

இங்கே உன் இன்மையை உணர்கிற போது

ஒரே உண்மையை அறிகிறேன் நானே.

எனக்குள்ளே நிகழ்ந்திடும் அது

உன் நெஞ்சிலும் உண்டா என்றெண்ணியே

இருதயம் துடிக்குதே!

அழைப்பாயா? அழைப்பாயா?

நொடியேனும் அழைப்பாயா?

பிடிவாதம் பிடிக்கின்றேன் முடியாமலே...!

அழைப்பாயா?

அழைப்பாயா? அழைப்பாயா?

படிக்காமல் கிடக்கின்றேன்

கடிகாரம் கடிக்கின்றேன் விடியாமலே...! 

அழைப்பாயா?

*

நான் என்ன பேச வேண்டும் என்று சொல்லிப் பார்த்தேன்

நீ என்ன கூற வேண்டும் என்றும் சொல்லிப் பார்த்தேன்

நான் அத்தனைக்கும் ஒத்திகைகள் ஓடவிட்டுப் பார்த்தேன்

நீ எங்கு புன்னகைக்க வேண்டும் என்று கூட சேர்த்தேன்

நிலைமை தொடர்ந்தால்... என்ன நான் ஆகுவேன்?

மறக்கும் முன்னே

அழைத்தால்... பிழைப்பேன்...

அழைப்பாயா? அழைப்பாயா?

அலைபேசி அழைப்பாயா?

தலைகீழாய் குதிக்கின்றேன் குரல் கேட்கவே...!

அழைப்பாயா?

அழைப்பாயா? அழைப்பாயா?

நடுஜாமம் விழிக்கின்றேன்

நாட்காட்டி கிழிக்கின்றேன் உனைப் பார்க்கவே...!

அழைப்பாயா?

*

ஹே பாதி தின்று மூடிவைத்த தீனி போலவே

என் காதில் பட்டு ஓடிப் போன பாடல் போலவே

என் நாசி மீது வீசி விட்டு மாயமான வாசம் போலே

நீ பேசி வைக்கும் போது ஏக்கம் மூளும் நெஞ்சின் மேலே

சுருங்கும் விரியும் புவியாய் மாறுதே

இதயம் இங்கே  

வேறெதோ... நேருதே...

அழைப்பாயா? அழைப்பாயா?

தவறாமல் அழைப்பாயா?

தவறாக அழைத்தாலே அது போதுமே...! 

அழைப்பாயா?

அழைப்பாயா? அழைப்பாயா?

மொழியெல்லாம் கரைந்தாலும்

மௌனங்கள் உரைத்தாலே அது போதுமே!

அழைப்பாயா?

_______________________________________________

[Lyric] தவறுகள் உணர்கிறோம்

Y Not Entertainment

காதலில் சொதப்புவதெப்படி

தவறுகள் உணர்கிறோம்

இசை : தமன்

இயக்கம் : பாலாஜி

குரல் : தமன்

_______________________________________________

கையை விட்டுக் கையை விட்டு நழுவி 

கீழ் விழுந்துக் கீழ் விழுந்து கிடக்கும் - நீ

கீரல்களைக் காயங்களை வருட - அது

மீண்டும் உந்தன் கையில் வரத் துடிக்கும் 

*

தவறுகள் உணர்கிறோம் 

உணர்ந்ததை மறைக்கிறோம்  

மமதைகள் இறந்திட

மறுபடி பிறந்திடுவோம்

*

ஒரே வலி...

இரு இதயத்தில் பிறக்குதே

ஒரே துளி...

இரு விழிகளில் சுரக்குதே

ஒரே மொழி...

நீ இழந்ததை அடைந்திட

அணைந்ததை எழுப்பிட

உலகத்தில் உண்டு இங்கே....

*

சுவர்களை எழுப்பினோம் நடுவிலே,

தாண்டிச் செல்லத் தானே இங்கு முயல்கிறோம்.

உறவுகள் உடைந்திடும் எளிதிலே,

மீண்டும் அதை கோர்க்கத்தானே முயல்கிறோம்.

*

சில உரசலில் பொறி வரும்

சில உரசலில் மழை வரும் 

நாம் உரசிய நொடிகளில் 

பரவிய வலிகளை 

மறந்திட மறுக்கிறோம் 

______________________________________________

[lyric] பார்வதி பார்வதி

Y Not

காதலில் சொதப்புவது எப்படி

பார்வதி பார்வதி

இசை : தமன்

இயக்கம் : பாலாஜி

குரல் : சித்தார்த்

_______________________________________________

கல்லு மண்ணு காணும் முன்ன 

காதல் ஒண்ணு உண்டாச்சு

ஆணும் பொண்ணும் காதலிக்க

பூமி இங்கு ரெண்டாச்சு

பட்டு பட்டுக் கெட்டாலும் 

கிட்டத்தட்டச் செத்தாலும்

ஒட்டுமொத்தக் கூட்டமெல்லாம்

காதலித்து சொதப்புவோம்!

காதலித்து சொதப்புவோம்!

*

டேய்.. விடுங்கடா… 

classஉக்குப் போய்… படுங்கடா

என் கொடுமைய 

பொலம்பத்தான் விடுங்கடா

போனதே போனதே ஆயிரங்-கால்

ஃபோனில் எந்தன் பேரைக் கூட தூக்கிவிட்டாள்

கோடி சாரி சொல்லி போட்ட எஸ்ஸெமெஸ்ஸை

குப்பை லாரி ஏத்தி விட்டாள்

it’s over... it’s over…

எல்லாமே is over... 

status single மாற்றி விட்டாளே!

*

பார்வதி… பார்வதி…

பாதி ரூட்டில் தள்ளி விட்டாளே

பார்வதி… பார்வதி…

நெஞ்சில் முற்றுப் புள்ளியிட்டாளே

பார்வதி… பார்வதி… 

போதும் என்று சொல்லி விட்டாளே

பார்வதி… பார்வதி…

காதலுக்கு கொள்ளியிட்டாளே

*

டேய்.. கடவுளே… 

உனக்கென்ன குற வெச்சேன்?

என் கதையில

tragedy ஏன் வர வெச்ச?

ஊரெலாம் சுத்திட யாரிருக்கா?

பைக்கில் என்னை கட்டிக்கொள்ள யாரிருக்கா?

மூவி போக மூடு மாத்த யாரிருக்கா?

மோட்டிவேஷன் யாரிருக்கா?

it’s over… it’s over

எல்லாமே is over

என்று சொல்லி ஓடி விட்டாளே

*

பார்வதி… பார்வதி...

கும்பலோடு சுத்த விட்டாளே

பார்வதி… பார்வதி…

முத்தவிட்டு கத்த விட்டாளே

பார்வதி… பார்வதி…

சங்கு ஊதி மூடி விட்டாளே

பார்வதி… பார்வதி…

சிங்கிள் சிங்கம் ஆக்கி விட்டாளே

_______________________________________________